स्मार्टफोन पड्किँदा मृत्यु ! कतै तपाईंले पनि गर्नुहुन्नँ यस्ता गल्ती ?

Posted on: 16 Sep, 2022

भदौ ३१, काठमाडौँ | मोबाइल फोनले हाम्रो जीवनमा थुप्रै परिवर्तन ल्याइदिएको छ तर यो कतिपय अवस्थामा निकै खतरनाक पनि हुनसक्छन् । हालै, भारतको उत्तर प्रदेशको बरेलीमा फोन पड्किँदा ८ महिनाकी बालिकाको मृत्यु भएको खबर प्राप्त भएको छ । पीडित परिवारका अनुसार फोन सोलार प्यानलमार्फत् चार्ज गरिँदै थियो ।


अत्यधिक तातेका कारण फोनमा आगलागी भयो र यसको चपेटामा आउँदा बालिका जलिन् । यो पहिलो घटना भने होइन । मोबाइल पड्किएर मृत्यु भएको यो पहिलो घटना भने होइन । यस्ता थुप्रै स्थिति छन्, जतिबेला स्मार्टफोन प्रयोग गर्नु निकै खतरनाक हुनसक्छ । स्मार्टफोन उत्पादक कम्पनीले फोन तात्ने स्थितिलाई विशेष ध्यान दिन्छन् । त्यसो भए यस्ता घटना किन हुन्छन् ?

स्मार्टफोन पड्किएको धेरैजसो अवस्थामा प्रयोगकर्ताको लापरवाही देखिएको छ । कहिले फुटपाथमा पाइने ब्याट्रि त कहिले ओभर चार्जिङ, यस्तो थुप्रै कारणहरु छन् जसले फोन बिस्फोट गराउँछ । आउनुहोस्, आज यस्तै गल्तीबारे जानकारी लिऔँ ।

आवश्यकताभन्दा बढी चार्ज गर्नु

विशेषज्ञलाई विश्वास गर्ने हो भने कुनै पनि फोनमा ८० प्रतिशतभन्दा बढी चार्ज गर्नु हुँदैन । यसो गर्दा फोनको ब्याट्री लाइफ पनि लामो हुन्छ र बिस्फोट हुने जोखिम पनि निकै कम हुन्छ । धेरै मानिसहरुले फोन रातभरी चार्ज गर्न छोडिदिन्छन्, यस्तो बानीलाई तुरुन्तै त्याग्नुपर्छ । हुन त नयाँ आएका कतिपय फोनमा पावर डिस्कनेक्ट सुविधा दिइएको हुन्छ तर पुरानो फोनमा यस्ता सुविधा पाइँदैन । आवश्यकता भन्दा बढी चार्ज गर्दा कुनै दुर्घटना नै हुन्छ भन्ने त छैन तर तपाईंको फोन बिग्रिने सम्भावना भने बढी नै रहन्छ ।

चार्ज गर्दै गेम खेल्नु

गेम खेलिरहेका बेला फोन असाध्यै तात्छ । यस्तो अवस्थामा यदि तपाईं कुनै स्मार्टफोनलाई चार्जमा राखेर त्यसमा गेम खेलिरहनुहुन्छ भने फोन अत्यधिक तातो हुन्छ । चार्जिङ र गेमिङ, दुबै अवस्थामा स्मार्टफोन असाध्यै तात्ने गर्छ । यस्तोमा दुबै एकैपटक गर्नु हानिकारक साबित हुनसक्छ । फोन असाध्यै तात्दा भित्रका केही तत्व खराब हुनसक्छन् वा कुनै दुर्घटना पनि हुनसक्छन् । यतिबेला तपाईंको फोन हातमा छ भने त तपाईं नराम्रोसँग घाइते पनि हुन सक्नुहुन्छ ।

फास्ट चार्जिङ

बजारमा नयाँ आएका स्मार्टफोनले फास्ट चार्जिङ सपोर्ट गर्छ । भिन्न भिन्न प्रकारका फोनमा भिन्न भिन्न चार्जिङ क्षमता दिइएको हुन्छ । कुनै फोनले १४० वाटको चार्जिङ सपोर्ट गर्छ भने कसैमा १५ वाटको चार्जिङ पाइन्छ ।

यस्तोमा जुन पायो त्यहि चार्जरले आफ्नो फोन चार्ज गर्नु खतरनाक हुनसक्छ । यदि तपाईंको फोनले फास्ट चार्जिङ सपोर्ट गर्छ भने यसमा कुनै समस्या छैन । यस्तै सामान्य चार्जिङ सपोर्ट गर्ने स्मार्टफोनलाई फास्ट चार्जरले चार्ज गर्दा नकारात्मक परिणाम हुनसक्छ ।

चार्जमा राखेर कुरा गर्नु

फोनमा असाध्यै कुरा गर्ने खालको हुनुहुन्छ तपाईं ? त्यसो भए त कतिपटक त चार्जमा राखेर नै मस्तले कुरा गर्नुभएको पनि छ होला । तर यस्तो गर्नुभन्दा अघि तपाईंले धेरै पटक सोच्नुपर्छ किनभने यो स्थितिमा कुनै दुर्घटना भयो भने तपाईं नराम्रोसँग घाइते हुन सक्नुहुन्छ ।

फोन गरिरहेका बेला स्मार्टफोनले धेरै नै काम गरिरहेको हुन्छ । कुरा गरिरहेका बेला पनि फोन तात्ने गर्छ । यस्तै चार्ज हुँदा पनि फोन तात्ने गर्छ । त्यसैले चार्ज गरिरहेका बेला हामीले कहिल्यै फोन प्रयोग गर्नुहुँदैन ।

यस बिषयमा तपाइको प्रतिक्रिया...!