असोज २४, काठमाडौं | साफ च्याम्पियनसिप फुटबलअन्तर्गत तेस्रो खेलमा अहिले भारतविरुद्ध नेपाली टोली खेलिरहेको छ ।
अहिले जारी खेल मालेस्थित राष्ट्रिय रंगशालामा भारतविरुद्धको खेलका लागी मुख्य प्रशिक्षक अब्दुल्लाह अल्मुताइरीले मनिष डांगीलाई अग्रपंक्तिमा राखेका छन् ।
भारतविरुद्ध नेपाली टोलीको कप्तानी गोलरक्षक किरण कुमार लिम्बुले सम्हालेका छन् भने डिफेन्समा गौतम श्रेष्ठ, अनन्त तामाङ, दिनेश राजवंशी र सुमन अर्याल छन् ।
यस्तै मिड लाइनमा तेज तामाङ, रोहित चन्द, पुजन उपरकोटी छन् । यता एक्ला स्ट्राइकर मनिष डांगीलाई सुजल श्रेष्ठ र सुमन लामाले सहयोग गर्दैछन् ।
यसअघि उद्घाटन खेलमा माल्दिभ्सविरुद्ध निर्णायक गोल गरेका मनिषलाई प्रशिक्षक अब्दुल्लाहले स्ट्राइकरको भूमिका दिएका हुन् ।
यसअघि आजनै भएको पहिलो खेलमा श्रीलंकालाई पराजित गर्दै आयोजक माल्दिभ्स दोस्रो स्थानमा उक्लिएको छ । ४ खेलबाट १ अंक जोडेको श्रीलंका प्रतियोगिताबाट बाहिरिएको छ ।
नेपाली टोली :
गोलरक्षक : किरण कुमार लिम्बू
डिफेण्डर : गौतम श्रेष्ठ, अनन्त तामाङ, दिनेश राजवंशी, सुमन अर्याल
मिडफिल्डर : रोहित चन्द, तेज तामाङ, पुजन उपरकोटी
स्ट्राइकर: सुजल श्रेष्ठ, मनिष डांगी, सुमन लामा
यस बिषयमा तपाइको प्रतिक्रिया...!