खेलकुद मन्त्रि केसीद्धारा आइटिएफ र डब्लूटिएफ तेक्वान्दो एक हुन सुझाव

Posted on: 07 Aug, 2017
नेपालमा आइटिएफ तेक्वान्दो संस्थागत रुपमा स्थापना भएको २० बर्ष पुरा भएको छ । २० औं बर्षगाठको विषेश अवसरमा आइतबार आयोजित समारोहको युवा तथा खेलकुद मन्त्रि राजेन्द्र बहादुर के।सीले उद्घाटन गर्नु भयो ।
समारोहलाई सम्बोधन गर्दै युवा तथा खेलकुद मन्त्रि के।सीले मार्शल आर्टसको क्षेत्रमा आइटिएफ तेक्वान्दोको सक्रियता महत्वपूर्ण देखिएको बताउदै आइटिएफ र डब्लूटिएफ तेक्वान्दोको एकतामा जोड दिनु भयो । यो दुई खेलको एकताका लागी आफुले सहयोग गर्न   चाहेको र आवश्यक परेको खण्डमा सहजीकरण समेत गर्ने बताउनु भयो ।
राष्ट्यि खेलकुद परिषदमा निष्क्रिय रहेका संघहरु खरेजीको प्रक्रियमा अगाडी बढाउने उहांले बताउनु भयो । काम न काजका संघहरुको भारी बोक्नु आवश्यक छैन । बिदेशमा नामै नसुनिएका खेलका संघहरु नेपालमा रहेको पाइएकाले दर्ता भएका संघहरु अध्ययन गरिरहेको मन्त्रि के।सीले बताउनु भयो । खेलकुदको विकासका लागी सबै एक ठाउंमा रहनु पर्ने बताउदै उहांले अन्तराष्ट्यि जगतमा देशको नाम चिनाउन नेपाली खेलाडीहरुले देखाएको सक्रियता र प्राप्त गरेको सफलताको प्रशंसा गर्नु भयो ।
सो अवसरमा मन्त्रि के।सीले नेपाल आइटिएफद्धारा घोषणा गरिएको बर्षका उत्कृष्ठ खेलाडी, प्रशिक्षक तथा जिल्ला संघलाई सम्मान र मृगौला पिडित खेलाडीलाई राहात प्रदान गर्नु भयो । सम्मानित खेलाडीहरुमा पुरुष तर्फ नेपाल आर्मिका पूर्ण बहादुर मगर, महिला उत्कुष्ठ खेलाडी तर्फ भक्तपुरकी सोनी खड्का, उत्कृष्ठ प्रशिक्षक तर्फ बागलुङका घम बहादुर थापा रहेका छन । यसै गरी पश्चिमान्चलको नवलपराशि उत्कृष्ठ जिल्ला संघको रुपमा पुरस्कृत भएको छ । यसै गरी दुवै मृगौलाबाट ग्रस्त पाल्पाका प्रशिक्षक सुरज थापालाई नगद ५० हजार राहत सहयोग गरिएको थियो ।
नेपाल आइटिएफका अध्यक्ष अन्जन धमलाको अध्यक्षतामा सम्पन्न कार्यक्रममा सांसद प्रकाश शर्मा पौडेल, राखेप सदस्य अर्जुन के।सी, बरिष्ठ अधिकृत कमल खनाल, धु्रब घिमिरे लगायतले शुभ कामना मन्तब्य ब्यक्त गर्नु भएको थियो । मुख्य प्रशिक्षक अन्जुनाथ श्रेष्ठको स्वागत र कोषाध्यक्ष बासुदेव भट्टको संचालनमा सम्पन्न भएको थियो ।

यस बिषयमा तपाइको प्रतिक्रिया...!