प्रज्वल पौडेल । साउन १५, काठमाडौं ।
नेपाली कांग्रेसले मंगलबार देशैभरी सरकारविरुद्ध प्रदर्शन गरेको छ । देशका ७७ जिल्लाकै जिल्ला कार्यसमितिको आहृवानमा जिल्ला सदरमुकामहरुमा विरोध प्रदर्शन गरिएको हो ।
रामेछाप जिल्ला सदरमुकाम मन्थलीमा पनि मंगलबार नेपाली काङ्ग्रेस जिल्ला कार्यसमितिले विरोध र्यालीकाे आयोजना गरेको छ । सरकारमा अधिनायकवाद बढ्दै गएको भन्दै त्यसको विरोधमा नाराबाजी गर्दै बिपी चोकबाट मन्थली बजार परिक्रमा गरी देवकोटा चोकमा पुगेर सभामा परिणत भएको थियो । र्यालीमा वर्तमान सरकार विरुद्ध चर्को नाराबाजी गरिएको थियो ।
विरोध र्याली भिडियो हेर्नुहोस्
काङ्ग्रेसले जुलुस निकालेपछि स्थानीय प्रशासनले त्यसको लागि सुरक्षा व्यवस्था कडा बनाएको थियो । सभामा वक्ताहरुले सरकारको कार्यशैली अधिनायकवादउन्मुख र जनविरोधी काम दिनानुदिन बढ्दै गएकाले काङ्ग्रेस विरोधमा उत्रनुपरेको बताएका छन् ।
सडकमा विरोध र्यालीका तस्बिरहरु
तस्बिर / भिडियो : अप्रिल अधिकारीबाट
यस बिषयमा तपाइको प्रतिक्रिया...!