भदौ २०, एजेन्सी | भारतमा पब्जी एप बन्द गरिसँगै बलिउड अभिनेता अक्षय कुमारले त्यसको ठाउँमा 'फौजी' नामको एप ल्याउने घोषणा गरेका छन् । 

गत बुधबार भारतमा पब्जी बन्द गरिएको थियो । युवापुस्तामाझ निकै लोकप्रिय मोबाइल गेम पब्जी बन्द गरिएसंगै त्यसको लोकप्रियताका बीच फौजी नामको एप भारत आफैले बनाउने भारतीय संचार माध्यममा चर्चा गरिएको छ । चिनिया एपको कारण सुरक्षा चुनौती बढेको भन्दै भारतले पब्जी सहित १ सय १८ एपमा प्रतिबन्ध लगाएको अवस्थामा त्यसको ठाउँमा भारतकै आइटी कम्पनीहरुले अवसर खोजिरहेका छन् । 

शुक्रबार अक्षयकुमारले पब्जी जस्तै गेम ल्याउने घोषणा गरेका हुन् । उनले यस सम्बन्धमा सामाजिक संजालमार्फत जानकारी गराएका हुन् । उनले उक्त गेमको संचालन गर्दा आउने नाफाको २० प्रतिशत भारतीय सेनाको बीर कोषमा जम्मा गरिने समेत घोषणा गरेका छन् । विशाल गोन्दालको इन्डिया गेम्स र ब्यान्ग्लोरको एनकोरले मिलेर यो नयाँ एप तयार पारेको भारतीय संचार माध्यमले जनाएका छन् ।