पर्वत महोत्सवमा भोली ५ हजार मिटर दौड प्रतियोगिता हुने

Posted on: 24 Jan, 2020


पर्वत । छैठौ पर्वत महोत्सवको तेस्रो दिन ५ हजार मिटर खुल्ला दौड प्रतियोगिता हुने भएको छ । महोत्सवस्थलदेखि कुश्मा बजार परिक्रमा हुने गरी ५ किलोमिटर खुल्ला दौड प्रतियोगिताको आयोजना गरिएको दौड प्रतियोगिता संयोजक अर्जुन निर्जन पौडेलले जानकारी दिए । दौडमा प्रथम हुनेले ६ हजार द्धितियले ४ हजार र तीतृय हुनले ३ हजार नगद पाउने आयोजकले जनाएको छ ।

साथै महोत्सवमा चर्चित कलाकार रामकृष्ण ढकाल आउने भएका छन् । रामकृष्ण ढकालले आफ्नो फेसबुक पेजमार्फत विश्वकै अग्लो बन्जी जम्प भएको पर्वत जिल्लामा पहिलो पटक आफ्रू जाँदै गरेको सानो भिडियो क्लिबमा उनले उल्लेख गरेका छन् । साथै उनले दर्शकहरुलाई आफ्नो नयाँ र पुराना गीतहरु सुनाउने बाचा पनि गरेका छन् ।

 ढकालसँगै महोत्सवमा पालिकास्तरीय पुरुष भलिबल, दौड प्रतियोगिता, रत्यौली प्रतियोगिता र डान्स प्रतियोगिता हुने आयोजकले जनाएको छ । महोत्सवको दोस्रो दिनसम्म हजारौ दर्शकले अवलोकन गरेको आयोजकले जनाएको छ ।

महोत्सवको आजको दिन भजन प्रतियोगिता, डान्स प्रतियोगिताका साथै स्थानीय कलाकारहरुको प्रस्तुती र लाइभ कन्सर्ट पनि भएको थियो ।

पर्वत उद्योग बाणिज्य संघको आयोजनामा शुरु भएको महोत्सवमा गण्डकी प्रदेशका लघुउद्यमीलाई जोड दिइएको महोत्सव मुल आयोजक समितिका संयोजक एवं उवासंघ पर्वतका अध्यक्ष केदरनाथ शर्माले जानकारी दिए । लघुउद्यमीहरुको लागि ३० वटा स्टल निशुल्क उपलब्ध गराएको छ ।

महोत्सवमा ५ लाख दर्शक भित्राउने आयोजकले लक्ष्य राखेको छ । त्यस्तै महोत्सवमा छेलो फाल्ने प्रतियोगिता, दौड प्रतियोगिता, भजन प्रतियोगिता, रत्यौली प्रतियोगिता, लोकनृत्य प्रतियोगिता लगायतका कार्यक्रमहरु रहने आयोजकले जनाएको छ ।

महोत्सवको मुख्य प्रायोजक प्रभु बैंक रहेको छ  भने नेपाल पर्टन बोर्ड प्रर्बद्धक रहेको छ । महोत्सवमा २५० स्टल रहेका छन् । जिल्लामा रहेका धार्मिक तथा पर्यटकीय क्षेत्रहरुको प्रर्बद्धन र लघुउद्यमको विकासको लागि महोत्सव सफल हुृने आयोजकको ठम्माइ रहेको छ । महोत्सव सम्पन्न गर्न डेढ करोड खर्च लाग्ने अनुमान गरिएको छ ।


यस बिषयमा तपाइको प्रतिक्रिया...!