ज्वालामुखी–७ का ५२ परिवारलाई राहत वितरण

Posted on: 28 Sep, 2020

डि. पी छत्कुली | असोज १२, धादिङ | धादिङ जिल्लाको ज्वालामुखी–७ का ५२ परिवारलाई 'बाँचौ र बचाऊ अभियान' अभियानको सहयोगमा राहत वितरण गरिएको छ ।

नेपाली युथ एशोसिएशन युकेका उपाध्यक्ष तथा एनआरएन युकेका सल्लाहकार राजन खकुरालको सभापतित्वमा सम्पन्न भएको भर्चुअल कार्यक्रममा बागमती प्रदेशका सांसद डा.राजाराम कार्की प्रमुख आतिथ्य रहेको थियो । 

भर्चुअल कार्यक्रमलाई सम्बोधन गर्दै “बाचौं र बचाऊ अभियान”का संयोजक एंव नेपाली वेलफेयर सोसाईटी युकको अध्यक्ष तथा  एनआरएन युकेका कार्यसमितिका सदस्य धनबहादुर सार्कीले कोरोना महामारी सुरु भए यता बेलायतस्थित विभिन्न संघसंस्था र मनकारी व्यक्तिहरुको प्रयोजनमा नेपालमा राहत वितरण गर्दै आएको बताउनुभयो। 

कार्यक्रममा गैरआवासीय नेपाली संघ यूकेका सचिव एवं रोयल बरो अफ ग्रीनविच नेप्लिज सोसाईटी यूकेका उपाध्यक्ष जित रानाभाटले आफुले कोरोना संकट यता बिगत केहि महिनादेखि निरन्तर भर्चुअल कार्यक्रमको संचालन र आर्थिक सहयोग गर्दै आएको बताउनुभयो।


कोरोना महामारीबाट “बाँचौ र बचाऊ अभियान” अन्तर्गत ज्वालामुखी–७ का ५२ परिवारलाई राहत गरिएको हो । स्थानीय युवा बुद्धि नेपालीको सहयोग अपिलमा सम्पन्न भएको राहत वितरणमा स्थानीय सामाजिक अभियन्ता प्रताप कंडेल साथै समाज सेवी रुद्रप्रसाद खकुरालले कार्यक्रमको प्रत्यक्ष प्रसारण लगायतका अन्य व्यवस्थापनमा सहयोग गर्नु भएको थियो । त्यस्तै कार्यक्रममा व्यवस्थापन समितिका अध्यक्ष अरुण प्रसाद लोहनी, समाज सेवीहरु होमप्रसाद खकुराल, भोजराज खकुराल, शम्भु नेपाली, बुद्धि नेपाली, शंकर नेपाली, प्रकाश खकुराल, केशव खकुराल, बबी खकुराल, रोजन कंडेलको समेत उपस्थितिरहेको थियो । 

ज्वालामुखी–७ को स्थानापति निम्न माध्यमिक विद्यालयमा भएको वितरण कार्यक्रम पुर्व विद्यालय स्रोत व्यक्तिहरु ज्ञानेन्द्र खकुराल तथा ओम प्रसाद पाठक र विद्यालय प्रधानाध्यापक भद्रलाल खकुरालले समस्यामा परेका व्यक्तिहरुलाई पुर्याएको सहयोगको लागि हार्दिक आभार सहित धन्यवाद व्यक्त गर्नुभएको थियो । 


यस बिषयमा तपाइको प्रतिक्रिया...!