मिर्चैयाको मिथिला बिद्या मन्दिरमा प्रहरीको जनचेतना

Posted on: 03 Oct, 2018

राम नारायण पंडित | असोज १७, सिरहा | युवा पुस्तामा देखिएको बिकृतिको बिरुद्ध मिर्चैया प्रहरी सक्रिय भएका छन् । 

प्रहरी मेरो साथी कार्यक्रमलाई प्रभावकारी बनाउनका लागि ईलाका प्रहरी कार्यालय मिर्चैयाले मिथिला बिद्या मन्दिर मिर्चैया ६ स्थित बुधबार “सभ्य र सुरक्षित समाज निर्माणका लागि नेतिक चरित्र र अनुशासनको बिकास” नामक जनचेतनामुलक कार्यक्रम सम्पन्न गरेका छन् । बिद्यार्थीहरुमा देखिएको नैतिकताको कमी र अनुशासनहिनताको अबस्थालाई सुधार गर्नका लागि ईलाका प्रहरी कार्यालय मिर्चैयाका प्रहरी नायब उपरिषक (डिएसपी) दिपेन्द्र साहले  प्रशिक्षण दिएका हुन् । 


कुलतबाट बाँचे मात्र समाजमा स्थापित हुन सक्ने भन्दै डिएपी साहले राम्रो र सफल मानव बन्नका लागि नैतिकबोध र अनुशासित हुनु जरुरी रहेको उनले बताए । समाजमा बढदै गएको हत्याहिंसा, बलात्कार, चोरी डकैतीमा लगायतका बिकृतिका बिरुद्धमा छरछिमेकमा सचेतना बढाउन उनले सबैमा अनुरोध समेत गरेका छन् । 

ईलाका प्रहरी कार्यालय र महिला सेलको आयोजनमा भएको जनचेताना कार्यक्रममा मिथिला बिद्या मन्दिरका प्रिन्सिपल बिरेन्द्र राउत, बिद्यार्थी लगायतका उपस्थित रहेको थियो ।


यस बिषयमा तपाइको प्रतिक्रिया...!