छाड़ा भए पिचासहरु अंकुस लगाउने नेल पठाई दे
जगाउनु परो शिवजी, भाँग-धतुरो अनि बेल पठाई दे
---
बाको जीवन बित्यो मरुभूमिमा सपना साट्दा साट्दै
अझै कत्ती पालनेहो सरकार, कृपया एउटा मेल पठाई दे
---
यता सुक्का पैसा छैन सिटामल किन्न बा-आमालाइ
खुसी हुन्छन मलामी, आर्यघाट लैजाने रेल पठाई दे
---
अब छाड़ि सके बल्न चुलो, गरीबको झुपडीहरूमा
ए जनताका जननायक, छाक टार्न नुन-तेल पठाई दे
---
काण्डै काण्डले स्खलित हुन थाल्यो तिम्रो रास्ट्रबाद
म बिरोधी हूँ हान अश्रुगोला, र स्पेसल शेल पठाई दे
---
तैले नसकेको काम गर्दैछन सुन्तलीहरु यो देशमा
ब्वासांहरुलाइ जालझेल गर्ने, कुनै खेल पठाई दे
---
सरकार भई लाचार, हेर्दैछ बढ्दो भ्रस्टाचार
बिन्ती छ मात्र अब, घर घरमा प्रेम संजेल पठाई दे
- प्रकाश क्षेत्री
यस बिषयमा तपाइको प्रतिक्रिया...!