गुल्मीमा देउसीभैलो खेल्न रोक

Posted on: 13 Nov, 2020

कात्तिक २८, गुल्मी | गुल्मीमा देउसीभैलो खेल्नका लागि स्थानीय प्रशासनले रोक लगाएको छ | जिल्ला प्रशासन कार्यालयले एक सूचना जारी गर्दै देउसीभैलो खेल्न रोक लगाएको हो |

जिल्लामा कारोना संक्रमणको दर बढीरहेकाले चाडपर्व मनाउँदा जो जहाँ छ, त्यहीँ मनाउनका लागि आग्रह गरिएको प्रमुख जिल्ला अधिकारी भरतकुमार शर्माले जानकारी दिए । चाडपर्वको समयमा मानिसहरुको आवतजावत र चहलपहल बढ्न जाँदा संक्रमण झनै फैलन सक्ने भएकाले तिहारको समयमा समूहमा खेलिने देउसीभैलो जस्ता नाचगान नगर्न र नगराउन प्रशासनले आग्रह गरेको छ ।

जुवातास खेल्ने र खेलाउने, मदिराको बेचबिखन र सेवन नगर्न समेत सूचनामा उल्लेख गरिएको छ |

यस बिषयमा तपाइको प्रतिक्रिया...!