असार २२, काठमाडौँ | नेपालमा आइफा अवार्ड आयोजना गर्ने विषयमा आफ्नो कुनै निर्णय नभएको भन्दै आइफा आयोजक कम्पनीले अझै पनि नेपाल अईफा आयोजना गर्न दावी गर्ने देशको सूचीमै रहेको बताएको छ । उसले नेपालमा आइफा अवार्ड आयोजना गर्ने निर्णय भएको बिषयमा हल्ला मात्र चलेको भन्दै अस्वीकार गरेको हो । 

चलचित्र पुरस्कारमा आफ्नो महत्वपूर्ण स्थान बनाएको अन्तरराष्ट्रिय भारतीय फिल्म एकेडेमी पुरस्कार (आइफा) को बिषयमा नेपालमा विवाद बढ्दै गएको रिपोर्ट पाएको आयोजक कम्पनीले नेपाल अझै पनि नेपालको नाम अईफा आयोजना गर्न दावी गर्ने देशको सूचीमै रहेको टिप्पणी दिएको छ ।  

भारतीय संचारमाध्यमहरुलाई आईफाले दिएको जानकारी अनुसार भारतीय संचार माध्यमहरुले बिभिन्न कोणबाट समाचार हरु लेखेका छन् । समाचार अनुसार नेपालको संसदमा फिल्म एवम् सांस्कृतिक बिषयसँग जोडिएका केहि दलले नेपालमा आइफा अवार्ड आयोजनाको बिषयलाई लिएर विरोध गरेको उल्लेख छ । उक्त समाचारमा आइफाले भारतका संचार माध्यमहरुलाई नेपालमा आइफा आयोजना गर्ने बिषयमा जानकारी दिने क्रममा यो बर्षको पुरस्कारको आयोजक राष्ट्रको लागि नेपालको नाममा अन्तिम फैसला भईनसकेको बताएको समाचारहरु सार्वजनिक भएका छन् ।

भारतीय एक संचार माध्यमले समाचारलेखेको छ 'सन् २००० मा शुरू भएको आइफा पुरस्कार नेपालमा आयोजनाको बिषयलाई लिएर हालै त्यहाँको संसदले एक प्रस्ताव पारित गरेको थियो । तर नेपालमा अवार्ड आयोजनालाई लिएर विरोध सुरु भएको छ ।'

आइफा आयोजकले एक भनाई जारी गर्दै भनेको  छ कि 'आयोजकले नेपाललाई यस बर्षको अवार्ड आयोजकको दर्जा अहिलेसम्म दिएको छैन ।' कम्पनीको भनाई अनुसार आइफा आयोजनाको लागि संसारका कयौं देशको नाममा अझै विचार गरिदैछ र त्यस्तै देशको सूचीमा नेपाल पनि रहेको छ । 

आइफाको आयोजक कम्पनी विजक्राफ्ट इन्टरनेशनलका निर्देशक विज आन्द्रे टिमिन्सले भनेका छन् कि 'आइफाको सकारात्मक उपलब्धिहरुलाई हेरेर हामीलाई लगातार कयौं देशबाट उनीहरुको शहरमा आइफा आयोजनाको लागि निमन्त्रणा आईरहन्छ । नेपालले यस वर्षको अवार्डको आयोजनाको लागि सम्पर्क गरेको छ तर अहिलेसम्म नेपालको नाम सम्भावितको सूचीमै छ । यदी यस बारेमा नेपालका कुनै संस्थानले कुनै दावी गर्छ भने त्यो सत्य होइन । यस्तै प्रकारको दावीले यदी कुनै कर्पोरेट घराना वा कसैको कुनै नोक्सान भएमा आइफा जिम्मेवार हुनेछैन ।' 

माथिको तश्वीरमा: आइफाको आयोजक कम्पनी विजक्राफ्ट इन्टरनेशनलका निर्देशक विज आन्द्रे टिमिन्स