चैत्र ३०, काठमाडौं । ब्रिटिस गोर्खा र सिंगापुर पुलिसमा सन् २०२२ का लागि ३७० जना नेपाली छनौट हुने भएका छन् । सोमबार प्रकाशित एक सूचना अनुसार ब्रिटिस गोर्खाका लागि २ सय ३० र सिंगापुर पुलिसका लागि १ सय ४० जना छनौट हुने जनाइको छ  ।

गोखा भर्तीको प्रक्रिया ब्रिटिश सेनाको कानुन अनुसार सञ्चालन र छनौट योग्यतामा आधारित भएकोले केवल उत्कृष्ट उम्मेदवारहरू मात्र स्वीकार्य हुने जनाइएको छ । छनौट प्रक्रिया निशुल्क निष्पक्ष र पारदर्शी हुनेछ ।

भर्ति हुन इच्छुक पश्चिम र पूर्वका सबै उम्मेद्वारका लागि दर्ता, ब्रिटिस गोर्खा पोखरामा २० मे देखि ३० जुलाई २०२१ सम्म खुला हुनेछ । इच्छूक युवाहरुलाई उनीहरुको विशेष दर्ता मिति, जिल्ला, नगरपालिका र गाउँपालिका बारे वेवसाईट http://www.am.mod.uk/bgn द्वारा सूचित गराईने जनाइएको छ ।

गोर्खा भर्ति बारे जानकारीका लागि सामुदायिक ब्रिफिङ्ग १६-२३अप्रिल २०२१ का विच ब्रिटिस कोर्ट  क्याम्प पोखरा र ब्रिटिस क्वाम्य धरानमा आयोजना हुनेछ । 'तालिम केन्द्रहरुको ब्रिटिशगोर्खा र गोखां कन्टिब्जेन्ट सिङ्गापुर पुलिस फोर्स संग कुनै सम्बन्ध नभएको जनाइको छ । तिनीहरू हाम्रो नियन्त्रण बाहिर रहेर व्यवसाय गर्दछन । प्रशिक्षण केन्द्रमा भर्ना हुनका लागि महँगो हुन सक्छ र गोर्खा  भर्तिमा सफलताको म्यारेन्टी छैन। यदी कसैले घुस दिएको थाहा पाएमा भर्ति हुनबाट संधैका लागि बन्चित गरिनेछ, सूचना भनिएको छ।'

भर्ति हुनका लागि कुनै पैसा लाग्ने छैन र तपाइले भ्रष्टाचारको कुनै पनि आरोपहरुको बारेमा सुन्नु भएको वा कसैले भर्ति लगाईदिन्छु भनि पैसा मागेमा पैसा नदिनुहोस् र स्थानीय प्रहरी  कार्यालयमा खबर गर्नुका साथै [email protected] इमेलको माध्यमवाट जानकारी दिन अनुरोध गरिएको छ । 

ब्रिटिस आर्मीमा भर्नाका लागि चाहिने योग्यता

१) वेलायती सेनाले ब्रिटिस गोर्खामा भर्ती हुनका लागि तेस्रो श्रेणीमा एसएलसी उत्तीर्ण अथवा कम्पार्ट पास भए पनि हुने जनाएको छ ।

२) नयाँ एसईई ग्रेडिङ प्रणालीमा न्यूनतम ३ सी र २ डी (अंग्रेजी र गणितमा सी गे्रडिङ अनिवार्य) ग्रेडिङ भएको हुनुपर्नेछ ।

३) उमेर सन् २०२२ १ जनवरी साल सम्ममा कम्तीमा १८ वर्ष पुगेको र बढिमा २२ वर्ष ननाघेका हुनुपर्नेछ । 

४) उचाई कम्तिमा १५८ सेन्टिमिटर हुनुपर्ने एवं बिएमआई १८–१८ हुनुपर्ने जनाइएको छ ।

५) छड्के आँखा भएको वा आँखा ठूलो सानो भएको स्वीकार्य नहुने सूचनामा उल्लेख छ । यसैगरी चश्मा, कन्ट्याक लेन्स, लेजर सर्जरी स्वीकार्य हुने छैन ।

६) दाँतमा दुईभन्दा बढी समस्या नभएको हुनुपर्नेछ । अगाडिको दाँत नक्कली, किराले नखाएको, भित्र वा बाहिर निस्केको र नखप्टेको हुनुपर्नेछ । भर्ती प्रक्रियामा दर्ता हुन मेशिन रिडेबल पासपोर्ट अनिवार्य आवश्यक पर्ने सूचनामा उल्लेख छ ।  थप जानकारीका लागि वैवसाइट: http://www.army.mod.uk/bgn मा हेर्न सकिने जनाइएको छ ।