कात्तिक १, काठमाडौँ | गैरआवसीय नेपाली संघ (एनआरएनए) को नवौं विश्व सम्मेलनबाट आगामी २ वर्षे कायकालका लागि नयाँ नेतृत्व निर्वाचित भएका छन् । पटक-पटकको बिबाद हुँदै सम्पन्न निर्वाचनको मतपरिणाम शुक्रबार विहान मात्र आएको हो ।
अध्यक्षमा कुमार पन्त
सार्वजनिक मतपरिणाम अनुसार एनआरएनएको अध्यक्षमा कुमार पन्त विजयी भएका छन् । उनले अर्का प्रत्यासी कूल आचार्यलाई १४७ मतको अन्तरले पराजित गरेका हुन् । पन्तले एक हजार २१७ मत पाएका थिए भने आचार्यले एक हजार ७० मत पाएका थिए ।
पाँच उपाध्यक्षमा मिश्रित परिणाम
एनआरएनएको पाँच उपाध्यक्ष पदमा भने दुवै पक्षको मिश्रित परिणाम आएको छ । खुलातर्फ पन्त समूहका बद्री केसीले एक हजार १६३, अर्जुनकुमार श्रेष्ठले एक हजार २७, सोनाम लामाले ८९८ र आचार्य समूहका मन केसीले ९६१ मत पाएर विजयी भएका छन् ।
महिला उपाध्यक्षमा रविना थापा
महिला उपाध्यक्षमा भने आचार्य समूहका रविना थापा एक हजार २२१ मतका साथ विजयी भएकी छन् । उनकि अर्की प्रतिस्पर्धी पन्त समूहकी सपिला राजभण्डारीले ८६३ मत प्राप्त गरेकी थिइन् ।
महासचिवमा डा. शर्मा
एनआरएनएको महासचिव पदमा डा. हेमराज शर्माले एक हजार १३९ मत पाएर बिजयी भएका छन् ।
दुई सचिव पदमा जोशी र शर्मा बिजयी
त्यस्तै दुई सचिव पदमा गौरीराज जोशीले ९१६ मत र आरके शर्माले ८६८ मत पाएर विजयी भएका छन् । सचिव पदमा ७ जनाको उम्मेद्वारी परेको थियो ।
कोषाध्यक्षमा महेसकुमार श्रेष्ठ, सहकोषाध्यक्षमा लोकप्रसाद दहाल
कोषाध्यक्ष पदमा महेसकुमार श्रेष्ठले एक हजार ६५३ मत पाई विजयी भएका छन् । सहकोषाध्यक्ष पदका लागि लोकप्रसाद दहालले एक हजार १८४ मत प्राप्त गरेर विजयी भएका छन् ।
महिला संयोजकमा भोमादेवी लिम्बु, युवा संयोजकमा हिमाल गुरुङ
महिला संयोजकमा भोमादेवी लिम्बुले ७०२ मत र युवा संयोजकमा हिमाल गुरुङले ७६८ मत पाएर विजयी भएका छन् ।
मध्यपूर्व र अफ्रिका क्षेत्रमा सबै निर्बिरोध निर्वाचित
मध्यपूर्व र अफि्रका क्षेत्रका भने सबै निर्बिरोध निर्वाचित भएका छन् । मध्यपूर्व क्षेत्रको संयोजकमा प्रवीन गुरुङ, दुई उपसंयोजकमा मनोजकुमार श्रेष्ठ र राजेन्द्र अर्याल निर्बिरोध चयन भएका हुन् ।
महिला संयोजकमा सुमित्रादेवी पौडेर र युवो संयोजकमा राजु रेग्मी पनि निर्बिरोध निर्वाचित भएको निर्वाचन समितिले जनाएको छ ।
अफ्रिका क्षेत्रको संयोजकमा रोशन थापा र महिला संयोजकमा मनकला थापा निर्विरोध निर्वाचित भएका छन् ।
यसिया प्रशान्त क्षेत्रको संयोजकमा श्रेष्ठ
एनआरएनएको यसिया प्रशान्त क्षेत्रको संयोजकमा गोविन्द श्रेष्ठ २१७ मत पाएर विजयी भएका छन् । अन्य २ जना उम्मेदवार भने पराजित भएका छन् । त्यस्तै दुई क्षेत्रीय उपसंयोजकमा खगेन्द्र न्यौपानेले १९८ र पारसमणि पोखरेलले १९५ मत पाएर विजयी भएका छन् ।
त्यस्तै महिला संयोजकमा अमृता थापा र युवा संयोजकमा दीपकप्रसाद कंडेल निर्बिरोध निर्वाचित भएका छन् ।
अमेरिकाज् क्षेत्रको संयोजकमा राजन त्रिपाठी
एनआरएनएको अमेरिकाज् क्षेत्रको संयोजकमा राजन त्रिपाठी १५४ मत सहित विजयी भएका छन् । जसको उपसंयोजकमा राम सी पोखरेलले १५० मत पाएर विजयी भएका छन् । जसको महिला संयोजकमा उमा कार्की थापाले १४४ मत पाएर विजयी भइन् भने युवा संयोजकमा विमला सापकोटा निर्बिरोध निर्वाचित भइन् ।
ओेसेनिया क्षेत्रको संयोजकमा पाण्डे
ओसेनिया क्षेत्रको संयोजकमा होमनाथ पाण्डेले १०५ मत पाएर विजयी भए । उनका निकटतम प्रतिस्पर्धी दिनेशराज जोशीले १०२ मत प्राप्त गरेका थिए । उपसंयोजकमा नवीन कंडेल (१०७) विजयी भएका छन् । उनका प्रतिस्पर्धी हरि राम्जालीले १०० मत ल्याए ।
त्यस्तै महिला संयोजकमा जानकी पौडेल र युवा संयोजकमा राजकुमार थपलिया भने निर्बिरोध चयन भएका छन् ।
युरोप क्षेत्रको संयोजकमा आचार्य
युरोप क्षेत्रको संयोजकमा नारायणप्रसाद आचार्यले २७४ मत पाएर विजयी भएका छन् ।
यस बिषयमा तपाइको प्रतिक्रिया...!