रावलतोली शिवकुटी धाममा भगवान शिवको विशाल मुर्ती निर्माण गरिदै

Posted on: 27 Nov, 2016
ललित  बोहरा/१२ मंसिर डडेल्धुरा  । डडेल्धुराको अमरगढी ७ पोखरामा अवस्थित रावलतोली शिव कुटी धाममा भगवान शिवको १०८ फिट अग्लो मुर्ती निर्माणका लागी पहल शुरु गरिएको छ । उग्रतारा भगवती मन्दिराको गुठी जमिनमा भगवान शिवको बिशाल मुर्ती निर्माण गरिन लागेको हो । रावलतोली गुफा शिवकुटी सरंक्षण क्षेत्र विकास समितीको पहलमा मुर्ती निर्माण गरिन लागेको हो । बिशाल मुर्ती निर्माणका लागी अमगढी ६,७ र ८ का स्थानिय लागी परेका छन । धार्मिक, सांस्कृतिक एवं ऐतिहासिक रुपमा रहेको रावलतोली गुफा शिवकुटि धामको संरक्षण, सम्बद्ध्र्रन तथा विकास लागी विशाल मुर्ती निर्माणमा जुटेको समितीका अध्यक्ष शुरेन्द्र साँकीले बताए । प्रशिद्ध उग्रतारा भगवतीको पुजा आराधना एवं मेलाको समयमा दुमडा, छचोडा, खनमडा र जिलोडा बाट मन्दिरमा ल्याईने भगवतीको डोली देउरोमा रावलतोली शिवकुटी क्षेत्रमा लगाईईएका फुलको माला चढाईने गरिन्छ । शिव मन्दिर, रावलतोली गुफा रहेको रावलतोली शिवकुटी क्षेत्रमा निर्माण गरिने १०८ फिट अग्लो विशाल भगवान शिवको मुर्तीले आन्तरिक तथा बाह्य पर्यटक समेत भित्रिने स्थानिय केशव भट्टराईले बताए । 
मुर्ती निर्माणका लागी डडेल्धुरा–बैतडी राजमार्ग पोखरा बजार नजिक बाट रावलतोली गुफा शिवकुटी सम्म सडक निर्माण गरि शिव कुटी माथि डाडामा मैदान बनाई जग समेत कोरिएको छ । दुमडा बाट उग्रतरा भगवती मन्दिरमा पुजा आजाका समयमा ल्याईने देउरो डोली ल्याउने बाटो पोखरा बजारको पश्चिम तर्फको बाटोलाई उग्रतारा मन्दिरको फेद रातागौन सम्म पु¥याईएको छ । अहिले सम्म कुनै पनि स्थानिय निकाय, संघ, संस्था, व्यक्तिबाट आर्थिक सहयोग उपलब्ध नभएको रावलतोली गुफा शिवकुटी धाममा भगवान शिवको मुर्ती निर्माणका लागी सहयोग जुटाउन थालिएको छ । आउदै गरेको शिवरात्रि पर्वको अवसरपारी शिलान्यास गरिने रावलतोली गुफा शिवकुटी धाम सरंक्षण क्षेत्र विकास समिती अध्यक्ष शुरेन्द्र साँकीले बताए । एक करोड लागत लाग्ने अनुमान गरिएको मुर्तीको निर्माण कार्य एक बर्ष भित्र सम्पन्न गरि सक्ने लक्ष्य लिएको अध्यक्ष साँकीले जानकारी दिए । 

    डडेल्धुराको प्रशिद्ध उग्रतारा भगवतीको पुजा आजा पछि रावतोली शिव कुटी धामको दर्शन बिना भक्ति आराधना अधुरो मानिने जानकारहरुले बताउने गरेका छन । उग्रतारा भगवतीलाई भगवान शिवको बहिनीका रुपमा लिईन्छ । हिन्दु धर्ममा भगवान शिवलाई सृष्टि कर्ताका रुपमा हेरिन्छ । त्यस कारण पनि भगवान शिवको पुजा आराधना बिना अन्य देविदेवताको पुजा आराधना अधुरो मानिन्छ । 
सरंरक्षणको अभवाममा रहेको रावलतोली गुफा सरंक्षणका लागी पनि पहल चालिने छ । रावलतोली गुफाबाट उग्रतारा, शैलेश्वर महादेव, कोलासमैजी र कालापत्थर जाने बाटो रहेको बुढापाकाहरुले बताउने गरेका छन । गुफाको निकै ठुलो धार्मीक, सांस्कृतिक एवं ऐतिहांसिक महत्व रहे पनि यसको संरक्षण सम्बद्र्धन तर्फ कसैको ध्यान जान सकेको छ

यस बिषयमा तपाइको प्रतिक्रिया...!