टेकेन्द्र बोहरा | माघ २४, बझाङ | दश वर्ष देखी बन्द अवस्थामा रहेको बझाङ देवल विमानस्थल कालोपत्रे गर्ने काम सुरु भएको छ । बझाङका नागरिक अभिन्यता, सांसद र स्थानीयको पटक पटकको दबावपछि नागरिक उड्डयन प्राधिकरणले विमानस्थल कालोपत्रेका लागि ठेक्का दिएपछि काम कालो पत्रैको काम सुरु भएको हो ।

२०३५ सालमा कच्ची विमानस्थल निर्माण सम्पन्न भएपछि पहिलो पटक तत्कालिन शाही नेपाल वायुसेवा निगमले साप्ताहिक उडान थालेको यो विमानस्थल २०६५ सालसम्म सञ्चालनमा थियो । पछिल्लो समय निगम बाहेकका निजी विमान कम्पनीहरुले पनि बझाङबाट नेपालगंज र धनगढीका लागि उडान भर्ने गरेका थिए ।

 २०६५ सालमा बझाङ सदरमुकाम चेनपुरसम्म बससञ्चालन भएपछी देवल बिमान स्थल अलपत्र अवस्थामा परेको थियो ।

लामो समयसम्म बेवारिसेजस्तै बनेको विमानस्थल स्थानीयको खेल मैदान र गौचरनमा परिणत भएको थियो ।

विमानस्थलस्थित टावर रहेको भवन स्थानीय केटाकेटीको सौच गर्ने ठाउँमा परिणत भएको छ भने केही वर्ष अघिमात्र निर्माण सम्पन्न भएको उक्त भवनका झ्याल ढोकामा रहेका शिशाहरु पनि फुटेका छन् ।

विमानस्थल कालोपत्रे बन्न लागेपछि देवलका स्थानीय बासिन्दा खुशी भएको देवलका स्थानिय वासी प्रविन धामीले बताए ।

लामो समयसम्म बेवारिसेजस्तै बनेको विमानस्थल राजनैतिक दल पत्रकार नागरीक समाजले दबाव दिएपछि नागरिक उड्डयन प्राधिकरणले विमानस्थल कालोपत्रेका लागि ठेक्का दिएपछि काम सुरु भएको हो ।

अमर कन्स्ट्रक्सनले देवल  विमानस्थललाई कालोपत्रे गर्ने जिम्मा पाएको छ । करिब पाँच करोड ५० लाखको लागतमा १८ महिनाभित्र काम सम्पन्न गर्ने गरि गत साउनमा ठेक्का सम्झौता भएको थियोे 

विमानस्थलसम्म गाडी चल्ने सडक निर्माण कार्य पनी सम्पनन भइरहेको र कालोपत्रेको काम सुरु भएको निर्माण कम्पनीका प्रमुख देवी न्यौपानेले बताए ।

बिमान स्थल संचालनमा आएपछि जिल्लाको साईपाल हिमाल, खप्तड राष्ट्रिय निकुञ्ज, सुर्मा ताल, कैलाश गुफा, कैलाश मानासरोबर लगायतका दर्जनभन्दा बढी धार्मिक तथा पर्यटकीय स्थलहरुमा घुम्न आउने आन्तरिक तथा बाह्य पर्यटकको संख्या बढ्ने उनको भनाइ छ ।

वर्षाको समयमा विभिन्न ठाउँमा पहिरो गएर राजमार्ग अवरुद्ध हुने गरेका कारण आपतकालिन विरामीहरुले बर्षेनी ज्यान गुमाउने गरेका छन् भने यात्रुहरुले पनि सास्ती भोग्दै आएका छन् । 

बझाङको बिमान स्थल पिच हुन भन्दा अगाडीको फोटो र पिच हुदै लागेको फोटो र पिचको लागी काम गदै गरेको फोटो | तश्वीर: टेकेन्द्र बोहरा