कार्तिक २८, काठमाडौँ | गुगलले फोटोको ‘फ्रि स्टोरेज’ सुविधा  हटाउने भएको छ | गुगल फोटोले अर्को वर्षको जुन १ देखि उच्च फोटोहरुका लागि फ्रि स्टोरेज सुविधा नदिने भएको हो | 

पाँच वर्षअघि गुगलले फोटोहरु सुरक्षित गर्न गुगल फोटो एप सुरु गरेको थियो | जसमा  फ्रि स्टोरेज सुविधा थियो र प्रयोगकर्ताले जति पनि फोटोहरु खिचेर राख्न सक्थे |  गुगल फोटोमा हालसम्म करिब ४ ट्रिलियन फोटो रहेको गुगलले जनाएको छ | 

हरेक हप्ता यसमा २८ बिलियन फोटो र भिडियो अपलोड हुने गरेका छन् | गुगलको उक्त नियम पछि ती फोटो र भिडियो राख्नको लागि सिमित स्टोरेज  मात्र हुनेछ | २०२१ जुन १ पछि भने गुगलले प्रयोगकर्ताको स्टोरेज फूल हुन लागेमा अगाडि नै सूचित गर्ने जनाएको छ |

गुगलका अनुसार  फोटो १५ जिबी स्टोरेज भन्दा बढी ठाँउ चाहिने प्रयोगकर्तालेको लागि ‘गुगल वान’को सशुल्क सदस्यताको विकल्प समेत रहेको छ |