OPPO को F11pro र F11 नेपालमा सार्वजनिक, कति पर्छ मूल्य ? हेर्नुहोस्

Posted on: 23 Apr, 2019

बैशाख १०, काठमाडौं । स्मार्टफोन ब्राण्ड ओपोले आफ्नो एफ सिरिज पोर्टफोलियो अन्तर्गत ओप्पो एफ ११ प्रो नेपालमा नयाँ स्मार्टफोन सार्वजनिक गरेको छ ।

कम प्रकाश भएका स्थानमा समेत उत्कृष्ट तस्विर खिच्ने क्षमता लगायत अन्य नवप्रबर्तनात्मक प्रविधि समाहित उक्त फोन सार्वजनिक भएको छ । ओप्पो एफ ११ प्रो मोबाइलको पछाडिको भागमा ४८ मेगापिक्सेल र ५ मेगापिक्सेलका दुई क्यामेरा रहेका छन् । ओप्पो एफ११ प्रोको बजार मुल्य रु.४७,९९० तोकिएको छ । ओप्पो एफ११ प्रो हरियो र कालो दुई रंगमा उपलब्ध छ । कालो मोडेलको सटेपछाडिको भागमा हल्का पर्पल र भाइलेट रंग दिइएकाले आकर्षक देखिन्छ । फोनका अन्य विशेषताको कुरा गर्दा यसमा १२ एनएम २.० गिगाहर्ज ओक्टाकोर मेडियाटेक हेलियो पी७० प्रोसेसर राखिएको छ । यसले राम्रो परफरमेन्स दिनेछ ।


त्यस्तै फोनको अर्को उल्लेख्नीय पक्ष बजेट मोबाइलमै पनि ६ जिबीको र्याम र १२८ जिबीको स्टोरेज हुनु हो । यति कम मूल्यको मोबाइलमा यति उच्च स्टोरेज हाल कमै मोबाइलमा मात्र उपलब्ध छ । मोबाइलमा माइक्रो–एसडी प्रयोग गरेर स्टोरेजलाई थप बढाउन सकिन्छ ।

४००० एमएएचको शक्तिशाली ब्याट्री रहेको ओप्पो एफ११ मा एन्ड्रोइडको पछिल्लो संस्करण अन्ड्रोइड ९.० चल्छ । यसलाई कम्पनीले कस्टमाइज गरेर प्रयोगकर्ताहरुका लागि थप विकल्प दिएको छ । 

ओप्पो एफ११ प्रो सेटको लागि कम्पनीले छिट्टै चार्ज हुने चार्जर दिएको छ । कम्पनीको दावी अनुसार उक्त चार्जरले चार्ज हुने समयलाई २० प्रतिशतले घटाउनेछ ।

कम्पनीले एफ११ र एफ११ प्रो मार्भेल्स एभेन्जर्स लिमिटेड एडिसनपनि सार्वजनिक गरेको छ ।

ओपो एफ११ को बजार मूल्य ३७ हजार ९ सय ९० रहेको छ भने ‘ओपो मार्बेल्स’को बजार मूल्य ४९ हजार ९ सय ९० रुपैयाँ रहेको निर्धारण गरिएको छ । 

कम्पनीकाअनुसार सबै फोनका लागि अप्रिल २३ देखि २८ सम्म प्रि-अर्डर अवधि तोकिएको छ ।

सार्वजनिक सबै फोनहरु अप्रिल २९ देखि सर्वत्र बजारमा उपलब्ध हुने कार्यक्रममार्फत जानकारी दिइएको छ ।

यस बिषयमा तपाइको प्रतिक्रिया...!